Hyundai Pavlodar
г. Павлодар, Промышленная зона Центральная 151/1
01 желтоқсан 2021
Hyundai Motor компаниясы Top Gear Awards сыйлығының ең жоғары марапаттарына ие болды

  • Hyundai i20 N моделі басқа жетекші әлемдік брендтердің автомобильдерінен озып, Top Gear басылымының жыл сайынғы жүлдесінің нұсқасы бойынша «Жыл автомобилі» атанды
  • Hyundai Motor компаниясы модельдік қатардың кеңдігі және ұсынылған автомобильдердің әртүрлілігі үшін «Жыл өндірушісі» атағына ие болды

Hyundai Motor компаниясы i20 N моделі үшін «Жыл автомобилі» атағын және өз класындағы жетекші модель қатары үшін «Жыл өндірушісі» атағын жеңіп алып, жыл сайынғы Top Gear сыйлығының ең жоғары марапаттарына ие болды.

Жақында Hyundai i20 N автомобилі «Top Gear 2021 жылдамдық апталығында» – сынақтар сериясында жеңіске жетті, оның қорытындысы бойынша 26 тест қатысушыларының ішінен дәл осы модель «Жылдың спорттық автомобилі» атағын жеңіп алды. Крис Харрис (Chris Harris) және Стигтің (The STIG) қатысуымен Top Gear сараптамалық тобының қазылар алқасы i20 N-ді әлемдегі ең жарқын спорттық автобрендтердің үлгілері қатысқан бірқатар ауыр тестілердің нәтижелері бойынша абсолютті жеңімпаз деп таныды. Редакторлар тобы Hyundai i20 N автокөлігін оның керемет басқарылушылығы мен басқа да жан-жақты мүмкіндіктерінің тамаша үйлесімі үшін атап өтті.

Томас Шемера (Thomas Schemera), атқарушы вице-президент және Hyundai Motor жаһандық маркетинг жөніндегі директоры: «Әлемдегі ең ықпалды және қызықты автомобиль басылымдарының бірінен бірден екі беделді марапатты алу біз үшін үлкен мәртебе, әсіресе Hyundai жаһандық брендінің позициялары бұрынғыдан да күшті болған кезде. Біз Top Gear командасы өте талапшыл және қатаң стандарттарды ұстанатынын білеміз, сондықтан Hyundai i20 N-ге берілген «Жыл автомобилі» атағы – бұл сөзсіз жетістік. Өз кезегінде, «Жыл өндірушісі» атағы интеллектуалды мобильді шешімдер провайдеріне айналып, Hyundai жүретін жолды тану болып табылады. Hyundai командасының әрбір мүшесі осы марапатты мақтан тұта алады».

Hyundai Motor Europe компаниясының президенті және бас директоры Майкл Коул (Michael Cole): «Top Gear марапаты автоиндустриядағы алдыңғы қатарлы жетістіктері үшін беріледі. «Жыл өндірушісі» атағы компанияның прогрессивті рухының арқасында болашақтың ұтқырлық индустриясын дамытудағы тынымсыз жұмысымыз біздің клиенттеріміздің ғана емес, сонымен қатар жетекші автомобиль БАҚ-тарының да мойындауына ие болғанын баса көрсетеді. Әрине, біз мұнымен тоқтап қалмаймыз. Сала түбегейлі өзгеруде және біз осы өзгерістердің басында болуды жоспарлап отырмыз».

Hyundai Motor компаниясының вице-президенті және N суббрендінің менеджмент және автопорт жөніндегі басшысы Тилл Вартенберг (Till Wartenberg): «N суббрендтің адал жанкүйері ретінде мен «Top Gear жылдамдық апталығының» жеңімпазы ретінде әлемдегі ең жылдам 26 автомобильдің ішінен біздің жаңа i20 N-ді көріп отырғаныма өте қуаныштымын. Ол «Жыл автомобилі» атағын сөзсіз қорғады. N суббренді өзін өзінің сүйікті ісіне арнауды жалғастырады және бүкіл әлемдегі автокөлік жүргізушілерінің жүрегін жаулап алу үшін қолдан келгеннің бәрін жасайды».

Top Gear журналының редакторы Джек Рикс (Jack Rix) i20 N-ге берілген «Жыл автомобилі» атағына түсініктеме берді: «Біз i20 N-нің қаншалықты керемет екенін соңғы «Жылдамдық апталығы» кезінде 25 басқа бәсекелестерден басып озып, «Жылдың спорттық автомобилі» атағын жеңіп алған кезде білдік. Бірақ біздің жыл сайынғы сыйлығымыздың бас жүлдесін алу үшін алуан түрлі салалардағы кемелдікті дәлелдеу қажет. Сондықтан біз беріктікке сынақ өткізіп, британдық жарыс жолдарында және қала сыртындағы жолдарда, австралиялық глубинкада жасындай жарқылдаған хэтчбекті сынап көруді шештік, онда ол қауіпті маршрутта өз қабілеттерін көрсете алар еді. Біз бұл төмен қондырмалы хот-хэтч керемет ұзақ қашықтықтар мен бұзылған жолдарда жайлылық пен тұрақтылықтың жоғары деңгейін сақтағанын көрдік. HYUNDAI ықшам хэтчбегі өзін әдеттегіден тыс жағдайларда жақсы көрсеткені соншалық, бізге оны «Жыл автомобилі» деп атамасқа болмас еді».

Сонымен қатар, Top Gear командасы Hyundai барлық модельдік қатарының көп қырлылығын атап өтіп, компанияға «Жыл өндірушісі» атағын берді. Hyundai Motor компаниясына осы атақтың берілуіне түсініктеме бере отырып, Top Gear журналының редакторы Джек Рикс былай деді: «Біз Hyundai-ге бұл сыйлықты бірінші рет беріп отырған жоқпыз: үш жыл бұрын бұл бренд «Жыл өндірушісі» атанған болатын.

Ол кезде компанияға жеңісті i30 N хот-хэтчінен және екі ыңғайлы автомобиль – IONIQ гибридті моделінен және KONA электрлік моделінен тұратын әсерлі үштік сыйлады. Бұл автокөліктерді әлі де сатып алуға болады, бірақ қазір оларға одан да жетілдірілген желі қосылды. Биылғы жылы бізді Hyundai қатарындағы көптеген модельдер таңғалдырды. Бұл i30 N және i20 N хот-хэтчтері, сондай-ақ «ыстық KONA N кроссовері, NEXO сутегі отын элементтеріндегі кроссовер және үздік жүріс сипаттамалары мен дизайны бар IONIQ 5 электромобилі. Hyundai барлық бағыттар бойынша көш бастап тұр. Бұрын біз корейлердің келе жатқанын білетінбіз. Қазір олай емес – олар жеңіске жетті және бәрінен жақсы нәтиже көрсетуде».